Ապրիլի 13-ին առաջին ծանրքաշային կարգում Գերմանիան ներկայացնող 23-ամյա բռնցքամարտիկ Դավիթ Գրաֆը (Վահագն Սահակյան) Վիեննայում իր` 10-րդ մենամարտն անցկացրեց պրոֆեսիոնալ ռինգում: Այս անգամ նրա մրցակիցը հունգարացի Ժոզեֆ Նագին էր: Ութ ռաունդից բաղկացած մենամարտի արդեն երկրորդ ռաունդում Դավիթն իր մրցակցին նոկաուտի ենթարկեց, և հաստատեց անհաղթելի բռնցքամարտիկի իր համբավը` բոլոր նախորդ իր մենամարտերում Դավիթը հաղթել էր, ընդ որում  7-ը ավարտել էր նոկաուտով:

Իսպանիայի ֆուտբոլային ակումբները կառավարությանը պարտք են 670 միլիոն եվրոյի հարկ: Ակումբների ֆինանսական հաշվետվությունը հրապարակել է իսպանական սպորտի խորհուրդը, հայտնում է Punto Pelota-ն
Խորհրդի նախագահ Միգել Կարդենալի խոսքով՝ նախորդ տարվա համեմատ ակումբների պարտքը նվազել է՝ 2012-ին այն եղել է 750 միլիոն եվրո:

Թուրքական Beyaz հեռուստաալիքի փորձագետները կանխատեսել էին, որ Չեմպիոնների լիգայի քառորդ եզրափակիչի առաջին խաղում Մադրիդի «Ռեալը» «Սանտյագո Բեռնաբեու» մարզադաշտում կհաղթի Ստամբուլի «Գալաթասարային»: Դա ճակատագրական սխալ էր... «Գալաթասարայը» վերջին 12 տարվա ընթացքում առաջին անգամ էր հայտնվել եվրոպական ամենահեղինակավոր ակումբային մրցաշարի քառորդ եզրափակիչում, և թուրք երկրպագուները նույնիսկ չէին կարող մտածել ու պատկերացնել, որ իրենց երթը Չեմպիոնների լիգայում՝դրանով կավարտվի:

Աշխարհի առաջնության որակավորման փուլում Երևանի Հանրապետական մարզադաշտում մարտի 26-ին մրցում էին Հայաստանի և Չեխիայի ֆուտբոլի ազգային հավաքականները: Մարզադաշտը լեփլեցուն էր, նստելու տեղ չկար, սակայն կային մարդիկ, ովքեր տոմս ունեին, այդուհանդերձ չկարողացան խաղին մարզադաշտից հետևել:
Խաղից մոտ կես ժամ առաջ և ընթացքում մարզադաշտի մերձակայքում հանդիպեցինք բազմաթիվ մարդկանց, ովքեր դեսուդեն էին վազվզում և չէին կարողանում ներս մտնել:

Կարատեի Հայաստանի ազգային առաջնության նախօրեին (այն կկայանա Երևանում` մարտի 23-24-ին` Խուլ ու համրերի մարզադահլիճում) զրուցեցինք ՀՀ Սյորինրյու կարատեի ֆեդերացիայի նախագահ, ՀՀ կարատեի ազգային հավաքականի մարզիչ Արման ՄԱՔՅԱՆԻ հետ:
- Պարոն Մաքյան, ՀՀ-ում կարատեն տարածված մարզաձև է, բայց քչերն են պրոֆեսիոնալ ոլորտ մտնում: 
- Իրավացի եք, Հայաստանում կարատեին պետական մակարդակով մեծ ուշադրություն չի դարձվում:

ՖԻՖԱ-ի դասակարգման աղյուսակում ֆուտբոլի Հայաստանի ազգային հավաքականը նահանջել է 4 աստիճան և զբաղեցնում է 84-րդ տեղը: Նոր աղյուսակը հրապարակվել է փետրվարի 14-ին: Աղյուսակի առաջին հորիզոնականում Իսպանիան է` 1610 միավորով: Երկրորդ տեղում հայտնվել է Գերմանիան` 1473 միավորով: Պատվավոր եռյակը եզրափակում է Արգենտինան` նվաճած 1309 միավորով: Ռուսաստանն աղյուսակի 10-րդ հորիզոնականում է հայտնվել: Վարդան Մինասյանի թիմի միավորների քանակը 462-ից հասել է 431-ի: Հիշեցնենք, որ նախորդ անգամ Հայաստանի հավաքականը նահանջել էր 5 աստիճան:

Միխայիլ ՄԱՐԿՈՍՈՎ.

Ռուսաստանյան «Ուֆա» թիմի հարձակվող Միխայիլ Մարկոսովը, ով ընդգրկված էր մարտի 26-ին կայանալիք Հայաստան-Չեխիա հանդիպման նախապատրաստական հավաքին հրավիրված ֆուտբոլիստների ընդլայնված կազմում, մարտի 11-ին Ռուսաստանի ֆուտբոլի ազգային լիգայի 23-րդ մրցափուլի շրջանակներում կայացած «Ուֆա»-«Սիբիր» հանդիպման ժամանակ խաղային դրվագում բախվել էր հյուրերի դարպասապահ Տրունինի հետ, ինչի հետևանքով երկու ֆուտբոլիստներն էլ վնասվածք էին ստացել:

Խորհրդային հանրահայտ ֆուտբոլիստ, 1962 թ. ԽՍՀՄ չեմպիոն Վալերի Ռեյնգոլդի կարծիքով Յուրա ՄՈՎՍԻՍՅԱՆԸ «Սպարտակում» կարող է նույն փառքին արժանանալ, ինչին ժամանակին արժանացել են Նիկիտա Սիմոնյանը և Ալեքսանդր Միրզոյանը. «Կա հնուց եկած ավանդույթ, որ «Սպարտակն» առանց հայերի «Սպարտակ» չէ: Հիշենք նույն Նիկիտա Սիմոնյանին, Ալեքսանդր Միրզոյանին, Վյաչեսլավ Համբարձումյանին, այնպես որ հուսով եմ՝ Յուրան այդ ավանդույթների արժանի շարունակողը կդառնա», ըստ «Գազետա.ռու»-ի այդպիսի կանխատեսում է արել Վալերի Ռեյնգոլդը:

Տարեվերջին մարզասերների և մարզական կառույցների շրջանում մեծ աղմուկ ու դժգոհության ալիք բարձրացրեց 2012 թվականի հանրապետության 10 լավագույն մարզիկների ցուցակի հրապարակումը: Շատերի համար էր այն մեծ անակնկալ: Հայաստանի մարզական լրագրողների ֆեդերացիայի (ՀՄԼՖ) հարցման արդյունքներով որոշված 10 լավագույն մարզիկների ցուցակում աշխարհահռչակ շախմատիստ Լևոն Արոնյանին հատկացվել էր չորրորդ հորիզոնականը: Հայաստանի ֆուտբոլի ազգային հավաքականի և Դոնեցկի «Շախտյորի» առանցքային ֆուտբոլիստ, Հենրիխ Մխիթարյանը, ով ի դեպ օրերս ռուսական Sport-express-ի «Զվեզդա» մրցույթում ճանաչվեց 2012 թ. ԱՊՀ լավագույն ֆուտբոլիստ, ընդհանրապես տեղ չգտավ այդ ցուցակում:

Ֆուտբոլային աշխարհի գլխավոր իրադարձությունը՝ Լիոնել Մեսին՝ Արգենտինայի հավաքականի և իսպանական «Բարսելոնայի» հարձակվողը, ճանաչվել է անցած տարվա լավագույն խաղացող: Այսպիսով՝ նա դարձել է «Ոսկե գնդակի» պատմության մեջ առաջին քառակի մրցանակակիրը: Ընդ որում այս մրցանակը նա ստանում է չորրորդ տարին անընդմեջ: Այս անգամ Մեսին գերազանցել է իր ակումբակից Անդրես Ինիեստային և Մադրիդի «Ռեալի» պորտուգալացի հարձակվող Քրիշտիանու Ռոնալդուին: Ինչպես նշում էին Ցյուրիխում՝ ՖԻՖԱ-ի կենտրոնակայանում հավաքված վերլուծաբանները՝ իսպանական ֆուտբոլը հերթական անգամ ապացուցեց իր գերազանցությունը: