Նախընտրկան այս շրջանում կանխատեսումներ անելը դարձել է Հայաստանի և արտասահմանյան հեղինակավոր սոցիոլոգների ու կազմակերպությունների հիմնական անելիքներից մեկը: Բայց նրանց տվյալները միանշանակորեն չեն ընդունում ոչ հանրությունը, ոչ քաղաքական ուժերը:
«Հավատո՞ւմ եք սոցիոլոգիական հարցումներին» հարցով դիմեցինք մեր երկրի մի քանի քաղաքական գործիչների և պատգամավորների:

 Որևէ սենսացիա չկա նրանում, որ լրագրողները որոշում են զբաղվել օրենսդրական գործունեությամբ, սակայն այդ թեման լրատվամիջոցներում բուռն քննարկման թեմա է դարձել: Ոմանք դրանում տեսնում են չորրորդ իշխանության բերանը փակելու փորձ, մյուսները հակառակը` ուրախանում են, որ խորհրդարանում մականունավոր պատգամավորների տեղերը կզբաղեցնեն ավելի պատրաստված ու գրագետ մարդիկ, երրորդները քննարկում են, թե որքանով է ճիշտ պրոֆեսիոնալ լրագրողական գործունեությունը պատգամավորական այս կամ այն խմբակցության անդամի պարտականությունների հետ համատեղելը:
 Եթե հավատալու լինենք շրջանառվող լուրերին` իշխող կոալիցիայի երկու առաջատար կուսակցությունների ցուցակներում մոտավորապես մեկ տասնյակ լրագրող կա:

1995 թվականի խորհրդարանական ընտրություններից հետո մեր ընտրական համակարգ մուտք գործեցին սև տեխնոլոգիաները, և ձևավորվեց ընտրակաշառք երևույթը: Սկզբում այն փոքր էր, սակայն գնալով այդ հրեշը մեծացավ ու այսօր ահագնացող չափերի է հասնում: Թե համայնքային, թե համապետական ընտրություններն առանց ընտրակաշառքի չեն ուղեկցվում, ընդ որում բնավ պարտադիր չէ, որ «չոր փողը» տան: Ընտրակաշառքը կրող է լինել աշխատանքի տեղավորման, զանազան խոստումների, ճանապարհների ասֆալտապատման, կրպակներում պարտքերը փակելու, ուսման վարձի վճարման և այլնի տեսքով: Առաջնայինը, իհարկե, գումարն է: Ավանդաբար դա կազմում էր 5 հազար դրամ, որը վճարելով` թեկնածուն գնում էր ձայներ և ընտրվելով` մանդատը ծառայեցնում ըստ իր կամքի` ընտրողին մոռանալով:

Վստահեցնում է Հայաստանի կոմունիստական կուսակցության (ՀԿԿ) կենտկոմի առաջին քարտուղար Ռուբեն ԹՈՎՄԱՍՅԱՆԸ
 - Ձեր կարծիքով ինչպիսի՞ն է Հայաստանի ներքաղաքական իրավիճակը:
 - Այսօր Հայաստանում բուռն, բայց ոչ մասսաներին ու հանրությանը հայտնի ձևերով ընթանում են ԱԺ ընտրությունների նախապատրաստական աշխատանքներ: ՀԿԿ-ն այն կուսակցությունն է, որն այդ հարցերում երբեք չի տրվել զանազան սադրանքների և զրպարտությունների: ՀԿԿ-ն հանգիստ, հավասարակշռված պատրաստվում է ԱԺ ընտրություններին` ունենալով իր ծրագիրն ու անհրաժեշտ փաստաթղթերը: ՀԿԿ-ն 70 տարի ժողովրդի հետ կառուցել է Սովետական Հայաստանը, որը հայ ժողովրդի ամբողջ պատմության մեջ եղել է նրա բարձրագույն ապրելաձևը: Երբեմն հակակոմունիստական հիստերիաներ բարձրացնելով` աշխատում են ստվեր գցել ՀԿԿ-ի վրա:

 Հունվարի 23-ին Ֆրանսիայի Սենատը 127 կողմ, 86 դեմ ձայներով ընդունեց ցեղասպանությունների ժխտումը քրեականացնող օրինագիծը: Մինչ այդ և հատկապես դրանից հետո թուրքական կողմից հնչում են պատժամիջոցների և հակահարվածի սպառնալիքներ: Ներկայացնում ենք հայ թուրքագետների տեսակետները՝ ընդունված օրինագծի վերաբերյալ:
Ռուբեն ՍԱՖՐԱՍՏՅԱՆ,
ՀՀ ԳԱԱ արևելագիտության ինստիտուտի տնօրեն
 Քանի որ Թուրքիան այժմ գտնվում է եվրաինտեգրման շրջանում, Ֆրանսիային` որպես Եվրամիության անդամի, չի կարող պաշտոնապես որևիցե պատժամիջոցի ենթարկել: Կարող է, իհարկե, որոշակի միջոցներ ձեռնարկել, բայց սկզբունքորեն ոչինչ չի կարող անել, որովհետև տնտեսական առումով Ֆրանսիան ավելի հզոր է: Հայտարարություններ կլինեն, դեսպաններ հետ կկանչեն, բայց վերջիվերջո ամեն ինչ կվերադառնա նույն մակարդակին: 2001 թվականին, երբ Ֆրանսիայի խորհրդարանն ընդունեց Հայոց ցեղասպանության մասին օրենք, Թուրքիայում նմանատիպ երևույթներ եղան, որոնք մի քանի ամիս տևեցին, իսկ հետո ամեն ինչ վերականգնվեց, անգամ առևտուրն ավելի շատացավ, քան կար մինչև այդ իրադարձությունը: Այնպես որ պատմական փորձը հուշում է` առանձնապես բան չի փոխվի: Ի դեպ համաշխարհային առաջատար ԶԼՄ-ները մեծ ուշադրություն դարձրին այս իրադարձությանը: Հետաքրքրությունը շատ մեծ էր: Ես էլ եմ շատ հարցազրույցներ տվել արտասահմանյան մամուլին:

 Ասում է պատմական գիտությունների թեկնածու, ՀՀ ԳԱԱ արևելագիտության ինստիտուտի Իրանի բաժնի ավագ գիտաշխատող Գոհար ԻՍԿԱՆԴԱՐՅԱՆԸ

 - Իրանի շուրջ քաղաքական զարգացումներն այսօր ի՞նչ ընթացք ունեն:
 - Լարված է, առավել քան երբևէ, մանավանդ նկատի ունենալով Միացյալ Նահանգների նավերի մուտքը Արաբական ծով, այսինքն` Իրանի սահմաների մոտ: «Աբրահամ Լինկոլն» ավիակիրը, օրինակ, պարզապես նավ չէ, կարող է 90 ուղղաթիռ, ինքնաթիռ ու հրթիռանետ տեղավորել: Դրանք ամբողջովին պատրաստ են` իրավիճակը վերահսկողությունից դուրս գալու դեպքում ռազմական հարված հասցնելու համար: Անգլիական նավերը ևս միանալու են ԱՄՆ-ի նավատորմին և օգնելու են դաշնակիցներին, երբ իրավիճակը սրվի:

Ասում է ԱԺ ՀՅԴ խմբակցության անդամ, պաշտպանության, ներքին գործերի և ազգային անվտանգության մշտական հանձնաժողովի նախագահ Հրայր ԿԱՐԱՊԵՏՅԱՆԸ

- Հանրության շրջանում վերջին օրերին քննարկվող ամենակարևոր թեմաներից են բանակում արձանագրվող արտակարգ դեպքերը` խաղաղ պայմաններում զինծառայողներ են սպանվել կամ ինքնասպան եղել: Ինչո՞վ եք պայմանավորում բանակում տիրող այս մտահոգիչ վիճակը:

Հարցազրույց ԱԺ ԲՀԿ խմբակցության անդամ, տնտեսական հարցերի մշտական հանձնաժողովի փոխնախագահ Վարդան ԲՈՍՏԱՆՋՅԱՆԻ հետ
- Համաձայն Համաշխարհային տնտեսական ֆորումի հրապարակած` 2011-2012 թթ. Մրցունակության համաշխարհային զեկույցի` Հայաստանը 142 երկրների շարքում զբաղեցրել է 92-րդ տեղը` 6 կետով բարելավելով նախորդ տարվա ցուցանիշը: Միաժամանակ 15 կետով հետընթաց է արձանագրել, մասնավորապես` մակրոտնտեսական միջավայրի կայունության գծով զբաղեցնելով 114-րդ տեղը: Ըստ ձեզ` հետընթացն ինչո՞վ է պայմանավորված…
- Ընդհանրապես զեկույցներին մեծ վստահությամբ չեմ վերաբերվում` պայմանավորված բազմաթիվ հանգամանքներով: Այդ զեկույցները` մրցակցության, մրցունակության, տնտեսական զարգացման և այլնի վերաբերյալ, միայն մասնագետների համար են, որոնք կուզենան մակրոտնտեսական խոշոր երևույթները կարգավորել և դրանցով զբաղվել:

ՀՀ նախագահ Սերժ Սարգսյանը սեպտեմբերի 23-ին ելույթ ունեցավ ՄԱԿ-ի Գլխավոր ասամբլեայի 66-րդ նստաշրջանում և ներկայացրեց Հայաստանի արտաքին քաղաքականության, մասնավորապես` ղարաբաղյան հարցի վերաբերյալ մեր երկրի դիրքորոշումը: Ելույթներ ունեցան նաև Թուրքիայի վարչապետ Էրդողանն ու Ադրբեջանի արտգործնախարար Մամեդյարովը: Բնականաբար նրանց ամբողջ խոսքը «համեմված» էր հակահայկական արտահայտություններով: ՄԱԿ-ի նստաշրջանին անդրադառնում են հայ քաղաքական գործիչները:

Ուրուգվայի խորհրդարանում սեպտեմբերի 9-ին Հայաստան-Ուրուգվայ հարաբերություններին նվիրված համաժողովի ժամանակ, որը կազմակերպել էին Հարավային Ամերիկայի Հայ դատի հանձնախումբը և Ուրուգվայ-Հայաստան խորհրդարանական խումբը, անակնկալ հայտարարություն է արել այդ երկրի արտգործնախարար Լուիս Ալմագրոն:«Մենք հիմնովին վերլուծել ենք Լեռնային Ղարաբաղի թեման` պետական ճիշտ որոշում ընդունելու համար: Մենք անձնապես հավատում ենք, որ Լեռնային Ղարաբաղը Հայաստանի հետ սերտորեն է կապված եղել, և այժմ էլ այդպես է: