Հայտարարությունն արվել է փետրվարի 15-ին գրանցված կուսակցությունների առաջնորդների հետ հանդիպման ընթացքում: Հանդիպմանը քննարկվել է կուսակցությունների վերաբերյալ Մեդվեդևի առաջ քաշած քաղաքական վերջին բարեփոխումների նախագիծը: Նախագահը հայտարարել է, որ աշխատանքային խումբ է ստեղծում, որը ավարտին կհասցնի իր նախաձեռնությունները, քանի որ դրանք լուրջ բողոքներ են հարուցել: Բայց ամենահետաքրքիրը հանդիպման ձևաչափի ավարտին արված հայտարարությունն է եղել:
Ինչպես rbc daily-ին պատմել է  «Սպրավեդլիվայա Ռոսիա» կուսակցության նախագահ Նիկոլայ Լևիչևը, այն բանից հետո, երբ նախագահը մեկնաբանել է հնչեցված բոլոր նախաձեռնությունները, նա հավելել է, որ ապագայում ևս կհամագործակցի այս ձևաչափի մասնակիցների հետ: «Ես ոչ մի տեղ գնալ չեմ պատրաստվում, ավելին, ես մտադիր եմ իբրև նախագահի թեկնածու առաջադրվել: Եվ մեծ հաճույքով ձեզ հետ կհանդիպեմ նախագահական քարոզարշավի շրջանակներում անցկացվող բանավեճերի ընթացքում»,- նշել է նա: