«Քաղաքացիական հասարակության ինստիտուտ» հասարակական կազմակերպությունը Եվրամիության աջակցությամբ «Անչափահասների գործերով արդարադատությունը Հայաստանում. օրենսդրության խնդիրներ» թեմայով ուսումնասիրություն է կատարել, ըստ որի, համակարգում կան մի շարք թերություններ, որոնք պետք է շտկել օրենսդրական դաշտի կարգավորմամբ:
 «Քաղաքացիական հասարակության ինստիտուտ» ՀԿ-ի նախագահ Արման Դանիելյանն այսօր ուսումնասիրության ներկայացման ժամանակ ասաց, որ ինստիտուտն արդեն մի քանի տարի է ուսումնասիրում է անչափահասների արդարադատության համակարգը, և կարող է փաստել, որ Հայաստանում արդարադատության համակարգ չկա:
«Այն ավելի շատ պատժողական միտում ունի, սակայն խնդիրն այն է, որ երեխան չգնա հանցագործության: Եթե երեխան հասնում է քրեակատարողական հիմնարկ, ուրեմն մենք արդեն ինչ-որ տեղ սխալ բան ենք արել»,- ասաց նա:
Վերլուծության հեղինակ, ՀԿ-ի փորձագետ Սիրանույշ Սահակյանն անդրադառնալով ուսումնասիրությանը, նշեց, որ առավել առանցքային դրույթներից է անչափահասների վերաբերյալ գործերով ոչ համարժեք պատիժների առկայությունը։
«Հայաստանի օրենսդրության մեջ անչափահաս հանցագործների նկատմամբ կիրառվող այլընտրանքային պատիժների սակավություն կա: Օրենսդրությամբ կան որոշակի սահմանափակումներ, բայց ներկայումս գործող պատիժները հաճախ համարժեք չեն»:
Ըստ նրա` տուգանքի սահմանումն արդյունավետ կարող է լինել միայն չափահաս հանցագործների համար, քանի որ իրենք կարող են գումար վաստակել, իսկ անչափահասների դեպքում անարդյունավետ է:
Բացի դրանից՝ հանրային աշխատանքների կատարումը՝ որպես պատժի միջոց, պետք է համապատասխանի Աշխատանքային օրենսգրքին, պետք է հստակ սահմանվի պատժամիջոցներին փոխարինող միջոցները, և փոխարինումը տեղի ունենա մինչև դատավարության սկսելը, պատասխանատվությունից ազատելը նույնպես պետք է փոխարինվի այլ միջոցներով:
«Հաջորդ խնդիրն իրավաբանական օգնության և այլ աջակցության տրամադրումն է, ինչպես նաև անվճար փաստաբանների տրամադրումն անչափահաս տուժողներին: Հոգեբանական պաշտպանությունը ևս պաշտպանական տարր է, իսկ Հայաստանում բացակայում է հոգեբանական պաշտպանությունը, այս պաշտպանությունը պետք է օրենքով սահմանվի»,- ասաց ուսումնասիրության հեղինակը` նշելով, որ ցանկալի է առանձին օրենքի ընդունում անչափահաս տուժողների և մեղադրյալների վերաբերյալ:
Նրա դիտարկմամբ` Հայաստանում խնդիր կա նաև անչափահասների արդարադատության համակարգում ներգրավված անձանց մասնագիտացման և այլ անձանց ներգրավվածության հարցում, և պետք է վերանայել նաև օրենքի այս կետերը:

tert.am

Անհրաժեշտ է վերանայել Հայաստանի և Ուկրաինայի առևտրատնտեսական համագործակցության հնարավորությունները, և փոխշահավետ լուծումներ գտնել։ Այսօր տնտեսական համագործակցության հարցերով Հայ-ուկրաինական միջկառավարական հանձնաժողովի 6-րդ նիստին ասաց ուկրաինական պատվիրակության համանախագահ, Ուկրաինայի պետական կորպորատիվ իրավունքների և գույքի կառավարման պետական գործակալության նախագահ Դմիտրի Կոլեսնիկովը:
«Ընդհանուր առմամբ, տնտեսական փոխհարաբերություններում բավական առաջընթաց կա, սակայն 2012-ի արդյունքները չեն կարող բավարար լինել ո՛չ մեզ և ո՛չ էլ Հայաստանի համար»,-ասաց նա և նշեց, որ երկու երկրների միջև ապրանքաշրջանառության ծավալը միայն այս տարի իջել է շուրջ 25%-ով: Ըստ նրա, անցյալ տարի այն կազմել է 243,9 մլն դոլար: Դմիտրի Կոլեսնիկովը բավական հեռանկարային համարեց Հայաստանի տարածքում մեքենաշինության ճյուղի զարգացումը:
«Ուկրաինական կողմը կարող է հայկական տարածքում ոչ միայն մեքենաշինական մասերի, այլ նաև կոնկրետ մեքենայի արտադրություն հիմնել նաև ավիացիոն տեխնիկայի արտադրությամբ զբաղվել»,- ասաց նա և հստակեցրեց, որ պետք է սկսել քչից և արտադրել միջին և գյուղատնտեսական նշանակության մեքենաներ:
Նա միաժամանակ նշեց, որ Հայաստանը Ուկրաինայի պոտենցիալ գործընկերն է. «ԱՊՀ երկրների ցանկում Հայաստանը ապրանքաշրջանառության ծավալով 9-րդ տեղում է»,- ասաց նա:
«Այդ պատճառով մենք բավական շատ աշխատանք ունենք անելու, իսկ ցանկություն կա»,- ասաց նա և ներկայացրեց արդեն իսկ ձեռք բերված պայմանավորվածությունները: Ըստ նրա, ոչ միայն պետք է ուշադրություն դարձնել առևտրական, այլ նաև տեխնոլոգիական համագործակցությանը:
Ուկրաինական կողմի համանախագահը համոզմունք հայտնեց, որ այս հանդիպումը կտրուկ վերելք կապահովի երկու երկրների տնտեսական համագործակցությանը:
Հայկական կողմի համանախագահ ՀՀ էկոնոմիկայի նախարար Տիգրան Դավթյանն իր հերթին ներկայացրեց համագործակցության հեռանկարները՝ նշելով, որ հիմնական ուղղությունն է ընտրվել ոչ այդքան առևտրաշրջանառության չափի բարձրացումը, որքան արդյունաբերության կոոպերացիաների հիմնադրումը: «Մենք պայմանավորվել ենք, ոչ միայն առևտրային համագործակցությունը լայնացնել, այլ արտադրական կոոպերացիաներ ստեղծել, մասնավորապես մետալուրգիական արտադրություն կազմակերպել՝ ուկրաինական կապիտալի ներդրում ապահովելով»,- ասաց նա և նշեց, որ Հայաստանը անցյալ տարի ստորագրելով ազատ առևտրի պայմանագիրը, ավելի հեռանկարներ ապահովեց այս ոլորտի զարգացմանը:
Անդրադառնալով վերջին տարում արձանագրված ապրանքաշրջանառության ցուցանիշին, Տիգրան Դավթյանը նշեց, որ դա պայմանավորված է ոչ այնքան երկու երկրների հարաբերություններով, որքան տնտեսական գլոբալ զարգացումներից:
Նա տեղեկացրեց, որ մինչև հանդիպումը կողմերն արդեն իսկ բավական ինտենսիվ աշխատել են և համաձայնեցրել բոլոր հարցերը:
Նիստի ավարտին կողմերը ստորագրեցին համապատասխան արձանագրությունը, որում ամրագրված էին նիստի ընթացքում ընդունված բոլոր որոշումները:
tert.am

Երևանի նախկին քաղաքապետ Կարեն Կարապետյանը նշանակվել է «Գազպրոմ մեժրեգիոնգազ» ընկերության գլխավոր տնօրենի տեղակալ` ռազմավարական զարգացման հարցերով: Այս մասին հայտնում է «Մեդիամաքս» գործակալությունը, որին «Գազպրոմ մեժրեգիոնգազ»-ի մամուլի խոսնակ Մարիա Ֆրոլովան հայտնել է, որ ընկերության գլխավոր տնօրեն Կիրիլ Սելեզնյովը Կարապետյանի նշանակման հրամանագիրը ստորագրել է նոյեմբերի 17-ին:
Նշվում է նաև, որ «Գազպրոմ մեժրեգիոնգազ»-ը «Գազպրոմ» ԲԲԸ-ի 100 տոկոսանոց դուստր ընկերությունն է, որը զբաղվում է Ռուսաստանի Դաշնության տարածքում բնական գազի իրացմամբ:
«Մեդիամաքսի» ունեցած տեղեկատվության համաձայն, Կարեն Կարապետյանը պահպանել է նաև «Գազպրոմբանկի» փոխնախագահի պաշտոնը, որը զբաղեցնում է 2011 թվականի դեկտեմբերից:
Հիշեցնենք, որ Կարեն Կարապետյանը Երևանի քաղաքապետի պաշտոնը զբաղեցրել է 2010 թվականի դեկտեմբերից մինչև 2011-ի հոկտեմբերը: Մինչ այդ նա 10 տարի գլխավորել է «ՀայՌուսգազարդ» ընկերությունը:
tert.am

Հայ պրոֆեսիոնալ բռնցքամարտիկ Արթուր Աբրահամը նկարահանվել է գերմանացի հանրահայտ դերասան, ռեժիսոր, պրոդյուսեր, սցենարիստ Թիլ Շվայգերի ֆիլմում:
Այս մասին տեղեկացնում է Bild-ը: Շվայգերը նշել է, որ հիացած է Աբրահամի դերասանական տաղանդով.
«Արթուրը հաճույք ստացավ այս դերից: Նա հիանալի հայացք ունի»:
Աբրահամը ֆիլմում կատարել է սուտինյորի դեր:

tert.am

Վարչապետ Տիգրան Սարգսյանն ընդունել է մեծանուն կինոռեժիսոր Արտավազդ Փելեշյանին, ում հայ կինոարվեստում ունեցած պատկառելի վաստակի, ներդրած ակնառու ավանդի և անզուգական վարպետության համար պարգևատրել է Հայաստանի Հանրապետության վարչապետի հուշամեդալով:
Ըստ Կառավարության մամուլի ծառայության տարածած հաղորդագրության՝ Տիգրան Սարգսյանն աշխարհահռչակ գործչին մաղթել է քաջ առողջություն և նորանոր ձեռքբերումներ կինոարվեստի բնագավառում:
tert.am

Ամերիկյան հանրահայտ Apple ընկերությունը դիմում է ներկայացնել ԱՄՆ-ի արտոնագրերի և ապրանքանիշերի գրասենյակ՝ նոր տեխնոլոգիայի ստեղծման արտոնագիր ձեռք բերելու նպատակով, գրում է Metroco.uk-ը՝ հղում անելով Patently Apple կայքին։
 Ընկերությունը մտադիր է այնպիսի հեղափոխական սարք ստեղծել, որը կկարողանա ճանաչել օգտատիրոջը դեմքով, մաշկով և նույնիսկ շնչառությամբ ու սրտի աշխատանքով։
 Ըստ Patently Apple-ի տվյալների՝ նոր սարքը կգործի ջրատեղորոշիչ և ռադիոտեղորոշիչ տեխնոլոգիաների հիման վրա։ Տեղեկությունների համաձայն՝ սարքն այնքան զգայուն կլինի, որ կկարողանա սենյակում գտնվող օգտատիրոջը ճանաչել սրտի աշխատանքով, իսկ մյուս ազդակն էլ կկարողանա «որսալ» նրա շնչառությունից արտազատված ածխածնի երկօքսիդը։
tert.am

Ամերիկահայ մոդել, իրապատում շոուների աստղ Քիմ Քարդաշյանը շնորհավորել է ԱՄՆ-ի նորընտիր նախագահ Բարաք Օբամային՝ սոցիալական կայքերի միջոցով: Facebook-ի իր էջում Քարդաշյանը գրել է, որ նոր է վայրէջք կատարել (Լոնդոնից – Tert.am), հուզված է և շնորհավորում է:

«Հենց նոր վայրէջք կատարեցի: Հուզված սպասում էի տեսնեմ հաջորդ նախագահն ով է լինելու: Լավ լուր լսեցի: Շնորհավորանքներս նախագահ Օբամա», - մասնավորապես գրել է նա:

Քիմն ու նրա քույրերն ընտրություններին մասնակցել էին նախապես, քանի որ հենց նախագահի ընտրության օրը Մեծ Բրիտանիայում ներկայացնում էին հագուստի և պարագաների իրենց նոր հավաքածուն:
 
Մինչ այդ, Քարդաշյանները մասնակցում էին Օբամային սատարող ընթրիքներին: Չնայած Քիմը բացառություն չէ Հոլիվուդի աստղերի շարքում, ովքեր սատարում էին Օբամային, այժմ նա անհամեմատ զուսպ է և պաշտոնական: 2008-ի ընտրությունների ժամանակ Քիմը Twitter-ում տարածել էր լուսանկար, որում իր կրած շապիկին գրված էր. «Օբաման մերոնքական տղա է»:
 
Ընտրվելուց հետո Օբաման պետք է արգելեր իր դեռահաս աղջիկներին դիտել Քարդաշյանների սկանդալային շոուն:

tert.am

Բաղդադում այսօր` նոյեմբերի 7-ին,  կայացել է Տնտեսական համագործակցության հարցերով  հայ-իրաքյան միջկառավարական համատեղ հանձնաժողովի անդրանիկ նիստը` ՀՀ փոխվարչապետ, տարածքային կառավարման նախարար Արմեն Գեւորգյանի եւ Իրաքի Հանրապետության փոխվարչապետ Ռոշ Նուրի Շաուեյսի համանախագահությամբ: Հայաստանի եւ Իրաքի պատվիրակությունների ղեկավարները ներկայացրել են  երկրների տնտեսական իրավիճակը, ինչպես նաեւ քննարկել տնտեսական, առեւտրի, ներդրումների եւ գիտատեխնիկական համագործակցությանն առնչվող հարցեր: Երկուստեք կարեւորվել է առեւտրատնտեսական հարաբերությունների եւ ապրանքափոխանակության մակարդակի բարձրացման ու ընդլայնման անհրաժեշտությունը: Իրաքյան կողմը տեղեկություններ է ներկայացրել Հայաստանում դեսպանատան վերաբացման ուղղությամբ կատարվող աշխատանքների մասին:
Նշվել է, որ մինչեւ տարեվերջ կլուծվի նաեւ Հայաստանում Իրաքի դեսպանի նշանակման հարցը:  Պայմանավորվածություն է ձեռք բերվել անցկացնել հայ-իրաքյան գործարար համաժողով, որի շրջանակում էլ կարող է կազմակերպվել հայկական արտադրանքի առանձին ցուցադրություն:
Գյուղտնտեսության ոլորտում փոխգործակցության համատեքստում քննարկվել են ցին գյուղմթերքի, հանքային եւ խմելու ջրերի, պահածոների  արտահանման հնարավորությունները: Առողջապահության ոլորտում կողմերը  կարեւորել են  կադրերի պատրաստման, բուժհաստատությունների միջեւ կապերի հաստատման ոլորտներում փոխգործակցությունը: Անդրադարձել են դեղերի համատեղ արտադրություն հիմնելու հնարավորություններին: Քննարկվել են Իրաքից Հայաստանում բուժման նպատակով հիվանդների ուղեգրման կազմակերպման հարցեր:  Այս համատեքստում ՀՀ առողջապահության նախարար Դ. Դումանյանը պատրաստակամություն  հայտնեց Երեւանում տասը իրաքցի երեխաների անվճար վիրահատություն կազմակերպել: Էներգետիկայի եւ բնական պաշարների բնագավառում կողմերը համաձայնության են եկել համագործակցել նավթագազային արդյունահանման  բնագավառում:: Նիստից հետո ՀՀ փոխվարչապետի գլխավորած պատվիրակությունը հանդիպել է  Իրաքի  Հանրապետության վարչապետ  Նուրի ալ Մալիքի հետ:
Կողմերն անդրադարձել են միջկառավարական հանձնաժողովի նիստի օրակարգային հարցերին, ռազմական, նավթագազային ոլորտներում համագործակցության հնարավորություններին: Առանձնահատուկ կարեւորվել են տրանսպորտային հաղորդակցության նոր ուղիների մշակման հարցերը, իրավապայմանագրային դաշտի ձեւավորումը եւ այլն:
news.am

Հայաստանի ֆուտբոլի հավաքականը շարունակում է իր նահանջը ՖԻՖԱ-ի դասակարգման աղյուսակում:
Այսօր հրապարակված նոր տարբերակում մեր ընտրանին 444 միավորով զբաղեցնում է 82-րդ տեղը: Նախորդ ամսվա համեմատ Հայաստանի հավաքականը նահանջել է 18 հորիզոնականով:
Մեր թիմի առաջիկա մրցակից Լիտվան զբաղեցնում է 119-րդ տեղը: Ինչ վերաբերում է աշխարհի 2014 թ առաջնության ընտրական փուլի հակառակորդներին, ապա Իտալիան բարձրացել է 3 հորիզոնականով, Բուլղարիան` 15-ով: Դանիան ու Չեխիան նահանջել են համապատասխանաբար 4 եւ 3 հորիզոնականներով:
1. Իսպանիա - 1564 միավոր
2. Գերմանիա - 1421
3. Արգենտինա - 1349
4. Պորտուգալիա - 1178
5. Իտալիա - 1169
6. Անգլիա - 1167
7. Հոլանդիա - 1128
8. Կոլումբիա - 1110
9. Ռուսաստան - 1084
10. Խորվաթիա - 1078
22. Դանիա - 851
25. Չեխիա - 806
40. Բուլղարիա - 627
65. Վրաստան - 499
82. Հայաստան - 444
123. Ադրբեջան - 277
150. Մալթա - 166
Դասակարգման աղյուսակի հաջորդ տարբերակը կհրապարակվի դեկտեմբերի 19-ին:
a1plus.am

Փոթիի նավահանգստում գործադուլի պատճառով Հայաստանի համար նախատեսված մոտ 300 բեռնարկղ կա, որոնց քանակը ավելացման միտումներ ունի: Խնդրի հետ կապված իրավիճակի կարգավորում սպասվում է երկու օր հետո: Այս մասին «Արմենպրես»-ի հետ զրույցում նշեց «Ապավեն» միջազգային բեռնափոխադրող ընկերության գլխավոր տնօրեն Արսեն Ղազարյանը՝ անդրադառնալով Փոթիի նավահանգստում գործադուլի պայմաններում դեպի Հայաստան բեռնափոխադրումների իրականացման խնդրին: Նա նշեց, որ նոյեմբերի 6-ից բեռների արտահանումը Փոթի նավահանգստով նույնպես հնարավոր չէ: «Կամ պետք է լրացուցիչ պահպանման ծախս վճարվի բեռները Փոթիի տերմինալներում պահելու համար կամ սեփական միջոցներով բեռները պետք է տեղափոխվեն Փոթիից Բաթում՝ այնտեղից նավերով ճանապարհելու համար»,- ասաց Ղազարյանը: 
Ղազարյանի խոսքով՝  ծովային խոշոր փոխադրողներից մեկը առաջարկել է բեռները դատարկել Բաթումի նավահանգստում, որը այդքան էլ հարմարեցված չէ բեռնատարներին սպասարկելու համար: «Առաջարկվող մյուս տարբերակը՝  նավերի Ստամբուլ ուղևորվելն է և այնտեղ բեռները դատարկելը և իրավիճակի կարգավորմանը սպասելը, ինչը որոշակի թանկացումներ է առաջացնում հաճախորդների համար»,- նշեց Ղազարյանը:
Ղազարյանը չբացառեց, որ գործադուլի ալիքը գործադուլավորների համերաշխության շնորհիվ կարող է տարածվել նաև Բաթումի նավահանգստում, ինչը դժվարություններ կստեղծի  Վրաստանի համար` եկամուտների կրճատման տեսքով:
Վրաստանի Փոթի նավահանգստի աշխատողները հոկտեմբերից գործադուլ են հայտարարել: Բողոքի ակցիային մասնակցում է 1200 մարդ: Ակցիայի մասնակիցները պահանջում են բարձրացնել աշխատավարձերն ու աշխատանքի արժանի պայմաններ ապահովել: Գործադուլի արդյունքում կաթվածահար է եղել Վրաստանի գլխավոր ծովային դարպասը:
Փոթիի նավահանգստի գլխավոր տնօրեն Ջոզեֆ Կրոուլին նոյեմբերի 7-ին հրաժարական է տվել: «Նովոստի Գրուզիա»-ի հաղորդմամբ` նրան կփոխարինի տեղակալը, որին պարտականությունների փոխանցումն արդեն կատարվել է: «Իմ հրաժարականը կապ չունի այս իրադարձությունների հետ. սա բիզնեսի հետ կապված սովորական գործողություն է, որը ծրագրված էր 2-3 ամիս առաջ»,-ասել է Կրոուլին:
armenpress.am

 Գագիկ ԽՈՒԴԱՎԻՐԴԻՆ 6-7 տարի առաջ բառացիորեն ներխուժեց երևանյան ռոք բեմ և բավականին արագ հայտնի դարձավ: Այդքանով չսահմանափակվեց, մշտապես ձգտում է կատարելագործել, հղկել իր վարպետությունը: Առանց այս տաղանդավոր կիթառահարի հիմա քաղաքում երաժշտական ոչ մի լուրջ միջոցառում չի անցնում, նա նվագում է երեք՝ թերևս ամենահետաքրքիր ժամանակակից կոլեկտիվներում՝ ArmeniaNavy Band, Dorians և PENMAN, վերջապես նա հանդիսականի` առանձնապես կանանց սիրելին է: Նրա երաժշտական կերպարը գերում է՝ հանճարեղ տեխնիկա, անսանձ կենսաուժ, յուրօրինակ մտահղացումներ, խենթ համարձակություն և սլացիկ կազմվածք՝ (մարզական լուրջ պարապմունքների արդյունք): Նրան և լսելն է հաճելի, և նայելը:

 В США снова заговорили о проклятии клана Кеннеди. В Нью-Йорке покончила с собой жена племянника бывшего президента США, известного юриста и радиоведущего Роберта Кеннеди-младшего. 52-летнюю Мэри Кен­неди нашли повешенной в сарае около ее дома в штате Нью-Йорк. Правы ли те, кто утверждает, что гибель членов семьи Кеннеди — не просто совпадения?
 Супруга племянника 35-го президента США Джона Кен­неди - Мэри - не была публичной персоной. Да и имя ее вряд ли было широко известно. Разве что всплывало пару раз в полицейских сводках после вождения в нетрезвом виде и махинаций с чеками American Express. Но сама принадлежность к одной из самых знаменитых и богатых семей Штатов и обстоятельства гибели снова заставили вспомнить о «проклятии клана Кеннеди».