Վաղը` ապրիլի 28-ին «Արմենոիդս» խմբի հիմնադիր-ղեկավար, երաժիշտ Էդգար ՌՈՍՏՈՄՅԱՆԻ և մոդել Նադեժդա ՀՈՎՀԱՆՆԻՍՅԱՆԻ հարսանիքն է: Չնայած զբաղվածությանը` Էդգարն ապագա կնոջ հետ համաձայնեց գալ խմբագրություն և պատասխանել մեզ հետաքրքրող հարցերին:
 - Էդգար, ինչպե՞ս սկսվեց ձեր սիրո պատմությունը:
 - Մենք աշխատում էինք գրեթե նույն ասպարեզում` ես երաժիշտ, Նադեժդան` պրոֆեսիոնալ մոդել: Բայց սկզբում մենք ընդամենը ծանոթներ էինք: Սովորաբար մարդիկ ամեն ինչի համար անսահման ջանք են գործադրում, բայց ամենահրաշալին տեղի է ունենում անսպասելիորեն: Անկախ քո կամքից զգում ես, որ սիրահարվել ես, աշխարհը քո հանդեպ փոխվել է, դու էլ` աշխարհի: Այդ ժամանակ քաղաքական իրադարձությունները, նախընտրական ճառերը, հայրենիքի մասին հնչող բառերը դառնում են երկրորդական, որովհետև հասկանում ես, որ հայրենիքն սկսվում է քո ընտանիքից:

 Դերասան, ՀՀ արվեստի վաստակավոր գործիչ, մշակույթի նախարարության ոսկե մեդալակիր Վրեժ ՀԱԿՈԲՅԱՆԻՆ ավագ սերնդի ներկայացուցիչները հիշում են «Խաթաբալա» ֆիլմից, որտեղ նա հաջողությամբ կերտել էր Մասիսյանցի կերպարը: Այսօր հեռուստադիտողը նրան ճանաչում է «Արմենիա» հեռուստաալիքով ցուցադրվող «Դժվար ապրուստ» սերիալից, որտեղ նա մարմնավորում է պապիկի կերպարը:
 - Պարոն Հակոբյան, դուք Հունաստանում եք ծնվել, կպատմե՞ք ձեր մասին, ինչպե՞ս Հայաստան եկաք:

 Սիրված դերասանուհի Վարդուհի ՎԱՐԴԵՐԵՍՅԱՆԻՆ գարունը մի քանի տոն է պարգևել` ծնվել է մարտի 19-ին, սիրելի թատրոնի (առանց որի չի պատկերացրել կյանքը) միջազգային օրը նշվում է մարտի 27-ին, և այդ երկուսին էլ եթե ավելացնենք կանանց միամսյակը, ապա շնորհավորելու եռակի առիթ կունենանք: Ընդունելով մեր շնորհավորանքները` տաղանդաշատ դերասանուհին պատմեց թատրոնին առնչվող իր հուշերից:
 - Մեր թատրոնը 2 000 տարվա պատմություն ունի, զարգացում է ապրել է Արտավազդ Բ-ի օրոք (համենայնդեպս մենք այդպես գիտենք): Նրա անվան մրցանակը, որ ես ստացել եմ` փայփայում եմ: Շատ մեծ խորհուրդ է` երբ երկրի թագավորը թատրոն է սիրում: Մեր ղեկավարներից Կենտկոմի առաջին քարտուղար Կ. Դեմիրճյանն էր շատ թատրոն սիրում, նրանից առաջ Ա. Հարությունյանը, ով ոչ միայն ներկայացումներին, այլև ավարտական փորձերին էր ներկա լինում: Կարող եմ նաև վրացիներին օրինակ բերել` Շևարդնադձեն թատրոնում հատուկ տեղ ուներ 7-րդ կարգում և կարող էր շատ անսպասելի հայտնվել ու ներկայացում դիտել: Բնական է, որ այդ մարդիկ պետք է ծաղկեցնեին թատրոնը: Մեր օրերում ես այդ մոտեցումը չեմ տեսնում:

 Օրերս Երևանի մնջախաղի պետական թատրոնը նշեց ամենատխուր աչքերով հայի` Լեոնիդ Ենգիբարյանի տարեդարձը` մարտի 15-ին նա կդառնար 77 տարեկան: Մեծ արտիստի շունչը զգացվում էր ԵՊՀԹ-ի նախասրահից` այնտեղ ցուցադրված էին նրա լուսանկարները, որոնք Մոսկվայից բերել և մնջախաղի թատրոնին էր հանձնել Ենգիբարյանի մեծ երկրպագու Գայանե Կլեկչյանը:
 Երեկոյի մթնոլորտը շատ անմիջական էր: Միջոցառման կազմակերպիչ, Լ. Ենգիբարյանի անվան մնջախաղի միջազգային փառատոնի հիմնադիր և նախագահ, մնջախաղի թատրոնի գեղարվեստական ղեկավար Ժիրայր Դադասյանն իր բացման խոսքում նշեց, որ Լեոնիդը վաղուց իրենց թատրոնի ընտանիքի անդամն է դարձել, և որ ամեն տարի իրենք սիրով նշում են նրա ծննդյան տարեդարձը: «Մեր ժողովուրդն անսահման սեր է տածում Լեոնիդի նկատմամբ: Պատճառն իմ կարծիքով այն չէ, որ նա զվարճացնում էր մարդկանց, այլ այն, որ իր շուրջը լուսավոր էներգիա էր սփռում, վարակում` լույսով, հավատով, սիրով:

Էմմա և Վիլեն
 Երիտասարդ դերասաններ Էմմա Մանուկյանն ու Վիլեն Սարգսյանն ավարտել են Երևանի թատրոնի և կինոյի պետական ինստիտուտի դերասանական բաժինը: Երկուսն էլ ճանաչում են ձեռք բերել «Շանթ» հեռուստաալիքով ցուցադրվող սերիալների շնորհիվ, բացի այդ` 2011 թ. ամռանը Էմման դարձավ նույն հեռուստաալիքի «Պարահանդես» մրցութային նախագծի հաղթողը:

Ամանորի նախաշեմին մեր քաղաքի հայտնի մարդկանցից մի քանիսին խնդրեցինք իրենց բաղադրատոմսերը փոխանցել «Հայաստանի զրուցակից» շաբաթաթերթի ընթերցողներին
Արամ MP 3
Երբ ազատ ժամանակ եմ ունենում՝ սիրում եմ համեղ ուտեստներ պատրաստել, սակայն ավելի շատ վերջնական գործընթացն եմ սիրում` ուտելը: Ընթերցողներին կառաջարկեմ սացիվիի պատրաստման մի եղանակ: Ինչո՞ւ հենց դա, որովհետև նախ` շատ եմ սիրում, հետո` սացիվին Նոր տարվա հետ եմ զուգորդում: Տարբեր ընտանիքներում այդ ուտեստը համտեսելիս մարդիկ հարցնում են` սա՞ է իսկական սացիվին, իսկ ինձ համար իսկականը մեր տան պատրաստվածն է: Շատերն այս կերակրատեսակը պատրաստելիս տարբեր համեմունքներ են խառնում` կանաչիներ, շաֆրան, և այն կանաչում է: Ես սպիտակն եմ սիրում:

 Նոյեմբերի 10-ին կլրանար Երևանի քաղաքապետարանի Հրաչյա Ղափլանյանի անվան դրամատիկական թատրոնի դերասանուհի, ՀԽՍՀ ժողովրդական արտիստուհի, ՀԽՍՀ պետական մրցանակի դափնեկիր Էմմա ՎԱՐԴԱՆՅԱՆԻ 90-ամյակը: Ես այն երջանիկներից եմ, ովքեր ճանաչել են տիկին Էմմային` թե որպես մարդու, թե որպես դերասանուհու, հնարավորություն են ունեցել ներկա լինել նրա խաղացած ներկայացումներին: Պահանջկոտ էր թե իր, թե շրջապատի հանդեպ:

Այս տարվա սեպտեմբերին հայ պատանի երաժիշտները «Կամերտոն» նախագծի շրջանակներում համերգներ ունեցան Գերմանիայում: Ութերորդ անգամ կազմակերպվող հյուրախաղերն այս անգամ նվիրված էին Հայաստանի անկախության 20-ամյակին: Սեպտեմբերի 13-20-ը Բեռլինի տարբեր դահլիճներում և եկեղեցիներում հայ երաժիշտների կատարմամբ հնչեցին համաշխարհային դասականների ստեղծագործությունները: Նաիրա Ղազարյանն ու Ժորա Սարգսյանը (դաշնամուր), Սոնա Տերտերյանն ու Լիլիթ Անտոնյանը (ջութակ) և Սիփան Թորոյանը (թավջութակ) իրենց տարիքին անհամապատասխան վարպետությամբ բարդ ստեղծագործություններ կատարեցին, որոնց թվում հնչեցին նաև Կոմիտասի և Արամ Խաչատրյանի գործերը:

Վերջին շրջանում դերասանուհի Անժելա Սարգսյանի` համացանցում հայտնված խիստ անձնական լուսանկարները հասարակության բուռն քննարկման առարկա դարձան, ոմանց նույնիսկ«հացն ու ջուրըե:
Հիշեցնենք, որ Կարեն Արայանը` Անժելա Սարգսյանի«տղամարդըե, համացանցում տեղադրել էր Անժելայի մերկ, անպարկեշտ լուսանկարները: Հոկտեմբերի 5-ին երիտասարդը ձերբակալվել է Հայաստանի քրեական օրենսգրքի 144-րդ (անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) և 263-րդ (պոռնոգրաֆիկ նյութեր կամ առարկաներ ապօրինի տարածելը) հոդվածների մեղադրանքով:

«Մոսկվիչկա» սուպերմարկետից առևտուր անելիս կրկին համոզվեցի, որ այդտեղից չարժե օգտվել, և որ սուպերմարկետներ ունենալը բոլորովին էլ չի խոսում մեր` ժամանակին համընթաց քայլելու և առևտուրն ավելի քաղաքակիրթ դարձնելու մասին: Ե՞րբ պետք է նման խանութների տերերը կամ ինչպես ընդունված է ասել` աշխատացնողները, հասկանան, որ կարևորը միայն շահույթ ստանալը չէ. քաղաքակիրթ երկրներում սուպերմարկետի վաճառողուհիները շնորհակալ են լինում միայն նրա համար, որ մարդիկ իրենց խանութն են ընտրել առևտուր անելու համար: Էլ չեմ ասում սպասարկման որակի և մակարդակի մասին: Քանի որ եթե գոհ լինես` դրանով կվարակես մյուսներին և այդպիսով հաճախորդների թիվը կավելանա: Բնական է, որ շատ հաճախորդ ունենալու և մեծ ապրանքաշրջանառության շնորհիվ է հնարավոր մեծ շահույթ ստանալ: Անցնելով կապիտալիստական հասարակարգին` այդպես էլ չկարողացանք լիովին հրաժարվել խորհրդային որոշ սովորույթներից, մասնավորապես սպասարկման ոլորտի հին ձևաչափից: Իհարկե մեղք գործած կլինեմ` ասելով, որ դա համատարած երևույթ է: Կան սուպերմարկետներ, որտեղ թեև լինում են որոշակի խնդիրներ, սակայն գոնե փորձում են աշխատողներին սովորեցնել հաճախորդների հետ սիրալիր լինել: