«Առաքելություն Հայաստան» կազմակերպության Շենգավիթ համայնքում գործող բարեգործական ճաշարանը հասարակության ամենաանապահով խավի` տարեցների ու հաշմանդամների հանդիպման վայր է դարձել: Ամեն օր ժամը 12-ին այստեղ են շտապում բազմաթիվ մարդիկ. կառավարության հատկացրած չնչին թոշակն ու նպաստը չեն բավարարում լիարժեք սնվելու համար:
 Ճաշարանների այցելուներից յուրաքանչյուրը ժամանակին իր աշխատանքն ու երազանքն է ունեցել, բայց ճակատագիրն այնպես է «կամեցել», որ այսօր նրանք այստեղ են հայտնվել:

 Օրեր առաջ հաղորդավարուհի Լուսինե Բադալյանի` Ֆեյսբուք սոցիալական ցանցի իր էջում կատարած գրառումը մեծ իրարանցում, անգամ սենսացիա էր առաջացրել: Հիշեցնենք, որ հաղորդավարուհին իր «Բաց նամակ պետությանը» գրառման մեջ նշել է. «Տո, այ պետություն, դու ի՞նչ ես արել ինձ համար, որ ես էլ քեզ համար ձրի աշխատեմ... Նույն բանն անեմ այլ պետությունում` մեծամեծ նվաճումներ կունենամ... Կարծում ես` էդքան չկա՞մ... Որոշեցի` հատուկ կգնամ, կանեմ, որ հետո տեսնես, որ ոչ թե դու ես ինձ պահում, այլ` ես քեզ....»:
 Մամուլին տված հարցազրույցում Լուսինե Բադալյանը խոստովանել էր, որ աշխատում է օրնիբուն, նորմալ վաստակում է, բայց այդ վաստակածը չի հասցնում վայելել կամ նույնիսկ առօրյա ծախսերը հոգալ. «Որովհետև ես դեռ մի բան էլ դնում եմ դրա վրա, որ իմ վարկերը փակեմ, որ կոմունալ վարձեր փակեմ և ի վերջո հասկանում եմ, որ երեք-չորս տեղի աշխատանքը ինձ չի բավականացնում»:
 Քանի որ մեր երկրում շոու բիզնեսով հնարավոր չէ հարստանալ, մենք փորձեցինք պարզաբանել` շոու բիզնեսի աստղերն ունե՞ն կողմնակի եկամուտ:

Կարծում է ՀՀ Մարդու իրավունքների պաշտպան Կարեն ԱՆԴՐԵԱՍՅԱՆԸ

 Վերջերս «Ազատություն» ռադիոկայանի եթերում ՀՀ արդարադատության նախարար Հրայր Թովմասյանն անդրադարձավ Մարդու իրավունքների պաշտպանի` իրենց գերատեսչության վերաբերյալ զեկույցին: Հիշեցնենք, որ Մարդու իրավունքների պաշտպանի գրասենյակը մոտ մեկ ամիս առաջ  հրապարակել էր Արդարադատության նախարարությունում  իրականացված ուսումնասիրությունների արդյունքների հիման վրա կազմված զեկույցը, որտեղ նշված էին ԱՆ գործունեության ոլորտում առկա թերություններն ու խնդիրները:
 ՄԻՊ Կարեն Անդրեասյանը դիմել էր ՀՀ արդարադատության նախարար Հրայր Թովմասյանին` երեք դատավորների գործերով կարգապահական վարույթ հարուցելու հաղորդմամբ (երեք քաղաքացիներ դիմել էին Մարդու իրավունքների պաշտպանին` համոզված, որ դատավորներն իրենց հանդեպ անարդար են գործել):  Սակայն նախարարը նրանց դիմումները մերժել էր` նույնիսկ առանց գործերը քննելու: Ֆեյսբուքյան  ասուլիսի ժամանակ նախարարը հայտարարել էր, որ եթե իր և Կ. Անդրեասյանի կարծիքները չեն համընկնում, դա չի նշանակում, թե ՄԻՊ-ը ճիշտ է: Կ. ԱՆԴՐԵԱՍՅԱՆԻն խնդրեցինք մեկնաբանել նախարարի` իր զեկույցի վերաբերյալ արձագանքը:

 Հաճախ է պատահում, երբ կանայք իմանալով իրենց հղիության մասին` այդ ուրախալի լուրը հայտնում են նաև գործատուին: Սակայն գործատուն չի   ուրախանում, և շնորհավորանքի փոխարեն հղի կինն աշխատանքից ազատվելու առաջարկ է ստանում: Այո, ցավոք, դեռևս կան գործատուներ, ովքեր կամ վատ գիտեն օրենսդրությունը, կամ մտածում են, թե կարող են այն շրջանցել:

  Հոբելյանական ճառերի փոխարեն

 Ուղիղ հինգ տարի առաջ` 2007 թվականի մայիսի 4-ին լույս տեսավ «Հայաստանի զրուցակից» երկլեզվյա թերթի անդրանիկ համարը: Հինգ տարում ստեղծագործական ինչ վայրիվերումներ ասես` չտեսավ թերթի խմբագրակազմը, սակայն չենք ուզում ընթերցողին ներկայացնել մեր կենսագրության այդ հանգրվանները, քանզի մեր արածի ու չարածի կենդանի վկան ինքը պարբերականն է` արդեն 226-րդ համարով: Զերծ ենք մնում նաև հոբելյանի կապակցությամբ տարբեր շնորհավորանքներ ու բարեմաղթանքներ տպագրելուց: Պարզապես ուզում ենք թերթի բարեկամներից մի քանիսի շուրթերով պատմել, թե այս ընթացքում նրանց կյանքում ինչ հետաքրքիր իրադարձություններ են տեղի ունեցել: Չէ՞ որ դրանցից շատերի տարեգիրը հենց «Հայաստանի զրուցակից» շաբաթաթերթն է` հայերեն և ռուսերեն տարբերակներով:

 Թիվ 7 ընտրատարածքում իր թեկնածությունն առաջադրած Տիգրան Գրիգորյանն ի տարբերություն այլ թեկնածուների` հարուստ չէ, չունի իր նախընտրական շտաբը, իսկ 1 մլն ընտրագրավն էլ դժվարությամբ է գտել: Քարոզարշավն իրականացնում է սոցիալական ցանցերում էլեկտրոնային լրատվամիջոցներում և ընտրողների հետ անմիջական հանդիպումների միջոցով:
 Արմատներով Տիգրան Գրիգորյանը լոռեցի է, ավարտել է Վանաձորի պետական մանկավարժական ինստիտուտը, սովորել ՀՀ գիտությունների ազգային ակադեմիայի պատմության ինստիտուտի ասպիրանտուրայում, Հայաստանի Ամերիկյան համալսարանի քաղաքագիտության բաժնում, ապա` Թաֆթս համալսարանի Ֆլեթչերի անվան իրավունքի և դիվանագիտության դպրոցում (ԱՄՆ):

 Արևմտյան երկրներում բազմաբնակարան շենքի կառավարման արդյունավետ միջոցներից մեկը համարվում է համատիրությունը: 1996-ին Հայաստանը ևս որոշեց հետևել Արևմուտքի օրինակին: Սակայն ի տարբերություն այդ երկրների` Հայաստանում համատիրությունն այդպես էլ բազմաբնակարան շենքի կառավարման արդյունավետ միջոց չդարձավ: 15 տարվա պատմություն ունեցող այս կառույցները մինչ օրս ի վիճակի չեն ոչ տանիք, ոչ վերելակ վերանորոգել, ոչ շենքերի մուտքերը բարեկարգել:

Ո՞ւմ էր ձեռնտու նախկին ոստիկանապետի որդուն ձերբակալելը
 Վերջին օրերին լրատվամիջոցներում քննարկվող հիմնական թեման Գյումրու քաղաքապետի դստեր ընկերոջ աղմկահարույց սպանությունն է: Հիշեցնենք, որ ապրիլի 12-ին Գյումրու «Մայր Հայաստան» հուշահամալիրի հարևանությամբ` Սև բերդ տանող ճանապարհին հայտնաբերվել էր «Մերսեդես» մակնիշի ավտոմեքենան, ղեկի մոտ՝ Կարեն Եսայանի դիակը` գլխի մասում հրազենային վնասվածքով: Նա առավոտյան դուրս էր եկել, գնացել ավտոլվացման կետ և... չէր վերադարձել: Կեսօրին ընտանիքի անդամներն անհանգստացել էին, դիմել ոստիկանության Գյումրու բաժին: Երեկոյան ժամը 20-ի սահմաններում ոստիկանները հայտնաբերել էին սպանված Կարենին:

 «Հայաստանի զրուցակից» թերթի խմբագրություն էր դիմել երկու մանկահասակ երեխաների` 8-ամյա Մանեի և 7-ամյա Միհրանի մայր զինծառայող Նարա Դարբինյանը: Ամուսնալուծությունից հետո դատարանի վճռով երեխաների խնամքն ու դաստիարակությունը հանձնվել են նրան, սակայն ամուսնու ծնողները հրաժարվում են երեխաներին տալ մորը, ապօրինի կերպով նրանց պահում են իրենց մոտ: Երեխաները մշտական սթրեսի մեջ են: Հուսալքված մայրը մեկ տարի առաջ դիմել է դատական ակտերի հարկադիր կատարման ծառայություն (ԴԱՀԿ), սակայն մինչ օրս այդ մարմնին ևս չի հաջողվել երեխաներին վերադարձնել հարազատ մորը:

 Ալավերդու պղնձամոլիբդենային կոմբինատի արտանետումների խնդիրն առկա էր դեռևս խորհրդային տարիներին: 1989 թ. կոմբինատի գործունեությունը դադարեցվեց: Հարցն էլ կարծես թե ինքնաբերաբար լուծվեց: Բայց 1995-96 թթ. «Վալլեքս գրուպը» գնեց Ալավերդու պղնձաձուլական գործարանը, և բնապահպանների խոսքով` կոմբինատի գործունեության վերսկսումից հետո Ալավերդի քաղաքը հայտնվեց ողբերգական վիճակում, շրջակա միջավայրն ամբողջովին աղտոտվեց: