Եթե այդքան «լավ» է, ապա ինչո՞ւ է այսքան վատ: Խոսքը ՀՀ սոցիալ-տնտեսական իրավիճակի մասին է
Նոր ժամանակների «քաղաքակիրթ» վարվելակերպ
 Մեր պաշտոնատար անձանց մեկնաբանությամբ, որոնք հրճվանքով ցիտում են իրենց վիճակագրական թվերը, ամեն ինչ հրաշալի է: Եվ տնտեսական աճն է տեղը տեղին, և գնաճն այնքան, ինչքան գուշակել էին... Բայց ո՞վ է հավատում:
 Հարցը տեղին է: Օրինակ եթե Արևմուտքում մեկն ինչ-որ բան է խոստացել (խոսքը պաշտոնատար անձանց մասին է), բայց չի ստացվել, թեպետ տանջվել է, ապա իսկույն հրաժարական է տալիս: Սա է քաղաքական ընդունված վարվելակերպը: Դրա համար էլ այնտեղ իրենց չեն կոտորում բարձր պաշտոն ստանալու համար, գիտակցում են, որ դա նախևառաջ մեծ պատասխանատվություն է:

Բնապահպանական խճանկար
 ՀՀ բնապահպանության նախարարության աշխատակազմի բնապահպանական պետական տեսչությունը հունվարի 30-ից փետրվարի 3-ն ընկած ժամանակահատվածում շրջայց կատարելով նախարարության ենթակայության տակ գտնվող կառույցներում, կայացրել է տուգանքի մի քանի որոշումներ: Վարչական տուգանքի 11 որոշում է կայացվել` 760 հազար դրամ ընդհանուր գումարով և 14,8 միլիոն դրամի` շրջակա միջավայրին հասցված վնաս: Սյունիքում հայտնաբերվել են ապօրինի ծառահատում և հողերի աղտոտում, փայտանյութի ապօրինի տեղափոխում, Սևանում հայտնաբերվել է խեցգետնի ապօրինի որս և այլն:

 Պետական պարտքի սպասարկում, համաշխարհային տնտեսական ճգնաժամեր... Հասարակ մարդու համար այս ամենն անհասկանալի հասկացություններ են: Թող քաղաքական գործիչները լուծեն իրենց այդ խնդիրներն ու մեր գրպանը չմտնեն` սա է մարդկանց կարծիքը: Բայց չի ստացվի` ինչ լինում է, միևնույն է, շարքային քաղաքացիների հաշվին է լինում:
Մենք ու մերոնք` թագավորներով...
 Աշխարհի տերերը կրկին հավաքվել էին շվեյցարական լեռնադահուկային հայտնի առողջարան Դավոսում` հերթական՝ 42-րդ համաշխարհային տնտեսական համաժողովի: Ավարտից հետո աշխարհի լրատվամիջոցները վերլուծում ու մեկնաբանում էին համաժողովի արդյունքները:

 Գրեթե տասը տարի (2003-ից սկսած) Հայաստանը կարծես թե պայքարում է կոռուպցիայի դեմ: Ավելի ճիշտ` իրականացնում է պաշտոնական հակակոռուպցիոն ծրագիր: Սակայն կոռուպցիան չի պակասում:
Մի տեսակ հոգեկան խանգարում...
 Վերջին մի քանի տարվա«կոռուպցիոնե վարկանիշային տվյալների (կոռուպցիայի ընկալման TI գործակից) համեմատությունը ցույց է տալիս, որ կոռուպցիան ՀՀ-ում միայն ավելանում է, լավագույն դեպքում` նույնն է: Օրինակ 2008 թ. գործակիցը 2,9 էր, 2009-ին՝ 2,5, իսկ 2010-ին և 2011-ին` 2,6: Հիշեցնենք, որ TI գործակիցը հաշվարկվում է 10-միավորանոց սանդղակով, որտեղ 1-ը նշանակում է բացարձակ կոռումպացվածություն, իսկ 10-ը` կոռուպցիայի բացակայություն:

 Ուղիղ մեկ տարի առաջ էկոնոմիկայի նախարար Տիգրան Դավթյանը լրագրողներին ասել էր, որ 2011 թ. Հայաստանը ոչ միայն կհասնի, այլև կգերազանցի նախաճգնաժամյան 2008 թ. տնտեսական ցուցանիշները: Վարչապետ Տիգրան Սարգսյանն էլ իր հերթին նշում էր բյուջե-2011-ի արժանիքները` կայուն զարգացման ուղղվածությունն ու սոցիալական ուղենիշը:
 Ընդդիմախոսներն այլ կարծիքի էին, ասում էին, որ բյուջե-2011-ն ընդամենը կավելացնի առկա բազմաթիվ խնդիրները` գնաճի բարձր մակարդակը, գործազրկությունը, չափազանց ցածր սոցիալական մակարդակը և այլն: Ու այս ամենը` արտաքին պարտքի պատկառելի չափի (44%/ ՀՆԱ) հենքին:

 Անցած տարեսկզբին Հայկական զարգացման գործակալության (ՀԶԳ) ղեկավար Ռոբերտ Հարությունյանը հանդես եկավ բավականին համարձակ հայտարարությամբ` ասելով, որ իր ղեկավարած կառույցը 2011 թ. մտադիր է մի քանի անգամ մեծացնել ներգրավված ներդրումների ցուցանիշները` դրանց ծավալը հասցնելով 20 միլիոն դոլարի: Համեմատության համար ասենք, որ պարոն Հարությունյանի խոսքերով մեկ տարի առաջ Գործակալության շնորհիվ ուղղակի ներդրումների տեսքով երկրի տնտեսություն էր մուտք գործել մոտավորապես 4,5 միլիոն դոլար: ՀԶԳ ներդրումային թղթապանակում այդ պահին կային մի քանի ծրագրեր, որոնք էլ հենց հիմք էին տալիս մտածելու, թե նման ցուցանիշներին հասնելը միանգամայն իրատեսական է:

 2012 թ. պետբյուջեի նախագծի շուրջ ծավալված բուռն քննարկումների համատեքստում Հայաստանի տնտեսական ակտիվության վիճակագրական վերջին տվյալներն աննկատ մնացին: Մինչդեռ իրավիճակը հեռու է դրական համարվելուց: Նախ` կտրուկ նվազել է տնտեսական ակտիվության գործակիցը` սեպտեմբերի համեմատությամբ հոկտեմբերին կրճատվել է 18 տոկոսով: Տնտեսական ակտիվության ցուցանիշն Ազգային վիճակագրական ծառայությունն սկսել է կիրառել այս տարեսկզբից: Ի տարբերություն ՀՆԱ-ի ցուցանիշի` այն հաշվարկվում է տնտեսության տարբեր ոլորտներում ապրանքների թողարկման ֆիզիկական ծավալի հիման վրա` առանց հաշվի առնվելու ապրանքների և ծառայությունների ավելացված արժեքը, ինչպես նաև հարկերը:

 Ռուսաստանի ժողովրդագրության ազգային հետազոտական համալսարանն այս տարվա սեպտեմբերին հրապարակեց արևմտյան փորձագետների ուսումնասիրության արդյունքները` խորհրդային նախկին հանրապետությունների վերաբերյալ: Ինչի՞ են հասել 15 երկրները՝ անկախության 20 տարում: Խոսքը տնտեսական անկախության և բնակչության սոցիալական ապահովության մասին է:
Վարկանիշի սկզբունքները
 ՀՀ բնակչության համար այդ ուսումնասիրությունը դժվար թե որևէ նորություն պարունակեր, եթե վերաբերեր միայն Հայաստանին: Առանց այդ էլ հիշատակված հարցերի շուրջ ՀՀ յուրաքանչյուր քաղաքացի ունի իր` սեփական փորձով ձևավորված տեսությունը: Բայց համեմատությունը հետաքրքիր է թեկուզ նրանով, որ բոլորս (նախկին 15-ը) միևնույն «կաթսայում» ենք եփվել ու դուրս գալով էլ` գրեթե նույն խնդիրների առաջ հայտնվել: Երկրաշարժն ու Ղարաբաղի հարցը հաշվի չառնենք, քանի որ մյուսներն էլ իրենց խնդիրներն ունեին և ունեն: Այնպես որ զարգացման այս կամ այն ուղու ընտրության հարցում այդ խնդիրների ազդեցությունը վճռորոշ չէ:

Երկրի ներդրումային գրավչությունը նպաստում է տնտեսության հաջող զարգացմանը: Սա բացահայտ ճշմարտություն է: Այդ պատճառով էլ շատ երկրներ անում են հնարավոր ամեն ինչ՝ արտասահմանյան ներդրողներին շահագրգռելու համար: Կարծես թե Հայաստանում ևս հասկանում են դրա անհրաժեշտությունը: Երկրի տնտեսության մեջ ներդրումներ են անում աշխարհի տարբեր երկրների` Ռուսաստանի, Ֆրանսիայի, ԱՄՆ-ի, Հոլանդիայի, Արգենտինայի, Գերմանիայի գործարարները: Ըստ վիճակագրության` 2011 թ. առաջին կիսամյակում արտասահմանյան ընդհանուր ներդրումները Հայաստանում հասել են 422 միլիոն դոլարի: Նախորդ տարվա նույն ժամանակաշրջանի համեմատությամբ դրանք ավելացել են 28,8, իսկ ուղիղ ներդրումների գծով` 58,6 տոկոսով:

 Սոցիալական անարդարության դեմ ընդվզումը երբեմն «լյումպենական» են անվանում: Ի՞նչ է դա: Եվ ընդհանրապես` ո՞րն է մեր հասարակության սոցիալական «անատոմիան»:
Չափորոշիչներ
Գիտնականներն ինչ էլ ասեն՝ հասարակական կարծիքը բոլորին բաժանում է «հարուստների», «միջակների» և «աղքատների»: Յուրաքանչյուր հասարակություն ունի սոցիալական շերտերի տարանջատման իր չափանիշները: Հիմնականում դա փողն է` տվյալ հասարակության մեջ դրամական մեծ միջոցներ ունեցողները համարվում են հարուստ: Օրինակ՝ որպես «մոգական» հարստության չափանիշ-գումար հաճախ միլիոն դոլարն է դիտվում, ու դրա տերն անվանվում է «միլիոնատեր» կամ մեծահարուստ:
 Ռոճիկով ապրող մարդն էլ հաճախ «աղքատների» շարքին է դասվում: Բայց ընդհանուր առմամբ, ըստ սոցիոլոգների, ռեալ մարդկանց նույնացումն այս չափանիշով բավականին դժվար է: