Հայաստանի տնտեսական աճը 2011 թվականին 4,5 տոկոս է, թեև դեռ պաշտոնական տվյալ չի հրապարակվել: Սա գրեթե կրկնակի է նախորդ տարվա համեմատությամբ: ՀՀ ազգային վիճակագրական ծառայության աշխատակից Գուրգեն Մարտիրոսյանը օրերս հայտարարեց, որ 2011 թ. դեկտեմբերին 12-ամսյա գնաճը Հայաստանում կազմել է 4,7 տոկոս` նվազագույն ցուցանիշը` 2005 թ. հետո: Պարենային ապրանքների գնաճը գերազանցել է ոչ պարենային ապրանքների գնաճին և կազմել 6,1 տոկոս: Ոչ պարենային ապրանքների գներն աճել են 4,3 տոկոսով, իսկ ծառայությունների սակագները` 2,9 տոկոսով:

 Հրանտ Դինքի սպանության գործով դատավճռի հրապարակումից հետո հարյուրավոր մարդիկ դուրս են եկել Ստամբուլի փողոցներ: Նրանք վրդովված են դատարանի որոշումից, որի համաձայն այդ հանցագործությունն «արմատական խմբավորման դավադրության հետևանք չի եղել»: Ցուցարարները պարզել էին «Մենք բոլորս հայ ենք», «Մենք բոլորս Հրանտ ենք», «Մարդասպան-պետություն, մենք պատասխան ենք պահանջում» կարգախոսները:

 Ուղիղ մեկ տարի առաջ էկոնոմիկայի նախարար Տիգրան Դավթյանը լրագրողներին ասել էր, որ 2011 թ. Հայաստանը ոչ միայն կհասնի, այլև կգերազանցի նախաճգնաժամյան 2008 թ. տնտեսական ցուցանիշները: Վարչապետ Տիգրան Սարգսյանն էլ իր հերթին նշում էր բյուջե-2011-ի արժանիքները` կայուն զարգացման ուղղվածությունն ու սոցիալական ուղենիշը:
 Ընդդիմախոսներն այլ կարծիքի էին, ասում էին, որ բյուջե-2011-ն ընդամենը կավելացնի առկա բազմաթիվ խնդիրները` գնաճի բարձր մակարդակը, գործազրկությունը, չափազանց ցածր սոցիալական մակարդակը և այլն: Ու այս ամենը` արտաքին պարտքի պատկառելի չափի (44%/ ՀՆԱ) հենքին:

 Անցած տարեսկզբին Հայկական զարգացման գործակալության (ՀԶԳ) ղեկավար Ռոբերտ Հարությունյանը հանդես եկավ բավականին համարձակ հայտարարությամբ` ասելով, որ իր ղեկավարած կառույցը 2011 թ. մտադիր է մի քանի անգամ մեծացնել ներգրավված ներդրումների ցուցանիշները` դրանց ծավալը հասցնելով 20 միլիոն դոլարի: Համեմատության համար ասենք, որ պարոն Հարությունյանի խոսքերով մեկ տարի առաջ Գործակալության շնորհիվ ուղղակի ներդրումների տեսքով երկրի տնտեսություն էր մուտք գործել մոտավորապես 4,5 միլիոն դոլար: ՀԶԳ ներդրումային թղթապանակում այդ պահին կային մի քանի ծրագրեր, որոնք էլ հենց հիմք էին տալիս մտածելու, թե նման ցուցանիշներին հասնելը միանգամայն իրատեսական է:

 Լեյբորիստական կուսակցության անդամ, Մեծ Բրիտանիայի կառավարության 1997-2007 թթ. փոխվարչապետ, իսկ այժմ ԵԽԽՎ Հայաստանի գծով համազեկուցող Ջոն Պրեսկոտը, որ անցած շաբաթ այցելել էր մեր երկիր, այնպես հուզվեց հայկական ընդդիմության ներկայացուցիչների հետ հանդիպումից, որ նույնիսկ սկսեց բռունցքով սեղանին հարվածել: Բրիտանական ամենածանրալեզու քաղաքական գործչի համբավ ունեցող, ինչպես նաև նյարդային բուլիմիայով տառապող Պրեսկոտն իհարկե անգլիական հանրահայտ զսպվածության հարմար օրինակ չէ, սակայն ինչ կարիք կա սեղաններ ջարդել` դրանով առաջացնելով մեղադրանքների միանգամայն հիմնավորված ալիք` աչառության և հայկական իշխանություններին աջակցելու մասին: Չնայած գուցեև 100 տոկոսանոց համամասնական ընտրակարգին անցնելու վերաբերյալ մեր ընդդիմության առաջարկը Պրեսկոտին իսկապես հունից հանել է:

Տարածաշրջանը պատրաստվում է շրջադարձային ընտրափուլերի
 2011-ը աշխարհում ու հատկապես Հարավային Կովկասում աչքի չընկավ պատմական փոփոխություններով, բայց քաղաքական գործընթացները խոստացան դնել դրանց սկիզբը: 2012-ին ու 2013-ին ամբողջ տարածաշրջանը լինելու է ընտրական պայքարի թատերաբեմ: Խորհրդարաններում տեղեր ստանալու պատերազմներից մինչև նախագահական մենամարտեր: Իսկ ի՞նչ կարևոր իրադարձություններ եղան 2011-ին, որո՞նք են դրանցից առավել հիշարժանները, և ինչպիսին կլինի 2012 թ.: Հարցերի մասին սեփական դիտարկումներն են անում Հայաստանի, Վրաստանի ու Ադրբեջանի փորձագետները, մարդիկ, ովքեր ամբողջ տարի հետևել են պատմության անիվի ընթացքին:

 Եթե ԱՄՆ-ը հարձակվի Իրանի վրա` Հարավային Կովկասի բոլոր երեք երկրները կմտնեն ՆԱՏՕ: Օրերս Մոսկվայում նման անսպասելի հայտարարությամբ է հանդես եկել Ժամանակակից Իրանի ուսումնասիրության կենտրոնի գլխավոր տնօրեն Ռաջաբ Սաֆարովը:
 Բնականաբար մեկնաբանությունների պակաս չի զգացվում Իրանի ու նրա միջուկային ծրագրի շուրջ սրվող իրադրության, իսկ վերջին ժամանակներս՝ նաև Հորմուզի նեղուցի վերաբերյալ, որն Իրանը սպառնում է փակել Արևմուտքի հարձակման դեպքում: Եվ այն ամենը, ինչ վերաբերում է Իրանին` տարածաշրջանում Հայաստանի միակ հարևանին, որը մեր նկատմամբ չունի որևէ պարտք ու պահանջ, մեզանում առաջացնում է անկեղծ հետաքրքրություն:

Գնահատում և կանխատեսում են փորձագետները
 Հունվարի 23-ին ՌԴ Սոչի քաղաքում տեղի կունենա Հայաստանի, Ռուսաստանի և Ադրբեջանի նախագահների այս տարվա առաջին եռակողմ հանդիպումը: Սա այսպիսի ձևաչափի վերջին հանդիպումն է Դմիտրի Մեդվեդևի մասնակցությամբ՝ որպես ՌԴ նախագահի: Այս տարի ի՞նչ սպասելիքներ կարող ենք ունենալ ղարաբաղյան խնդրի կարգավորման բանակցություններից, մանավանդ որ ԵԱՀԿ Մինսկի խմբի համանախագահող երեք երկրներում, ինչպես նաև Հայաստանում ընտրություններ են անցկացվելու: 2011 թվականի բանակցային ընթացքն ամփոփում և նշված հարցերի շուրջ տեսակետներ են հայտնում քաղաքական գործիչներն ու քաղաքագետները:

 Երեքշաբթի երեկոյան «Կոստա Կոնկորդիայի» նավապետ Ֆրանչեսկո Սկետինոն վերադարձել է իր հարազատ` Նեապոլից հարավ գտնվող Մետա դի Սորենտո քաղաք և այդ պահից գտնվում է տնային կալանքի տակ: Հունվարի 17-ի երեկոյան դատարանը որոշել էր մինչ այդ ձերբակալված Սկետինոյին տնային կալանքի տակ պահել, բայց նավապետի և նավահանգստի պետ Լիվորնո Գրիգորիո դե Ֆալկոյի զրույցների ձայնագրությունները, որոնք հրապարակվել էին Corriere della Sera թերթի տարածքային բաժնի կողմից՝ անմիջապես հայտնվել էին համացանցում, ԶԼՄ-ներում և ժողովրդին նրա դեմ տրամադրել:

 Խարբերդի մասնագիտացված մանկատունը 6 տարեկանից բարձր հատուկ կարիքներով երեխաների համար այն միակ կացարանն է, որտեղ զբաղվում են նրանց խնամքով, հոգում տարրական կարիքները, փորձում նրանց արժանապատիվ կյանքով ապրելու հնարավորություն ընձեռել: Ինչպես ցանկացած հաստատություն` Խարբերդի մանկատունը ևս հրատապ լուծում պահանջող խնդիրներ ունի, որոնցից առաջնայինը թերևս չափահաս սաներին առանձին կացարանով ապահովելն է: Խարբերդի մանկատան սաների գրեթե կեսը վաղուց անչափահաս չէ` նրանց 18 տարին կամ նոր է լրացել, կամ արդեն հատել են 24-25 տարեկանի սահմանը, բայց շարունակում են ապրել մանկական խնամակալական հաստատությունում. ուրիշ ապաստան չունեն:

Հարցազրույց բանաստեղծուհի և թարգմանչուհի Իրինա ՏՈԿՄԱԿՈՎԱՅԻ հետ
 - Ձեր մայրը եղել է «Ընկեցիկ երեխաների տան» փոխնօրենը: Դա որևէ կերպ անդրադարձե՞լ է ձեր մասնագիտական ընտրության վրա:
 - Այո, մենք ապրում էինք հենց այդ մանկատան տարածքում: Երեխաների մասին զրույցները մեր տանը չէին դադարում, իսկ բակում նրանք անընդհատ խաղում էին: Բայց ինձ չէին թողնում, որ նրանց խմբին միանամ: Երեխաների հետ ես սկսեցի շփվել արդեն պատերազմի տարիներին, երբ մանկատունը տարհանեցին: Այդ ժամանակ 12-13 տարեկան էի: Իսկ գրել սկսել եմ ոչ միանգամից, ասպիրանտուրան ավարտելուց հետո: Նույնիսկ ավելի ուշ, երբ սկսեցի ֆիզիկայի տեխնիկումում անգլերեն դասավանդել:
 - Խորհրդային տարիներին գրաքննության թիրախ հաճա՞խ եք դարձել:

 2012 թ. Հին Նոր տարուն կյանքին հրաժեշտ տվեց Ակսել Բակունցը, ում երաժշտասեր հասարակությունը ճանաչում է Կոկա մականունով:
 1970-ականներին առաջին անգամ հնչեցին հայկական ժողովրդական երգերի յուրօրինակ մշակումներ, որոնք այսօր դասական երաժշտության «անձնագիր» են ստացել` հատկապես «ժողովրդական» կեղծէստրադային երաժշտության խորապատկերին: Ակսել Բակունցն առաջիններից էր, ով նախաձեռնեց այդ մշակումների երաժշտական ձևավորումը: 1937 թ. գնդակահարված արձակագիր Ակսել Բակունցի զարմիկը, ժպտերես և խոշորակազմ երաժիշտը բարության իսկական մարմնացում էր՝ «այդպիսիները պետք է շատ լինեն»:

 «Մնաս բարով Մագի», «Մադամ Մագին լքել է մեզ», «Լեգենդար դերասանուհին մահացել է». անցած շաբաթ ֆրանսիական առաջատար թերթերն ու կայքերն այսպիսի վերնագրերով թողարկվեցին՝ տեղեկացնելով հայկական ծագում ունեցող ֆրանսիացի հայտնի դերասանուհու` Ռոզի Վարդի մահվան մասին: Նա մահացել է հունվարի 14-ի գիշերը՝ ամերիկյան de euilly-sur-Seie հոսպիտալում:
 Ռոզի Վարդը (Նվարդ Մուսայելյան) ծնվել էր 1923 թ., ըստ այլ աղբյուրների` 1927-ին` Ստամբուլում, հայի ընտանիքում: Նրա ծնողները Ֆրանսիա են տեղափոխվել, երբ Ռոզի Վարդը փոքր երեխա է եղել:

 Արվեստի պատմությանը մեկընդմիշտ հավաստել է, որ արվեստագետի ներքինը, հոգեկերտվածքը փոխակերպվում են արարումի, և եթե մարդ իվերուստ բարի է ու կարեկից, նրա ստեղծած կերպարներից այդ հատկանիշները ցոլանում են: Զուր չէ, որ Հրաչյան համակ խնկարկումի ու պաշտամունքի առարկա էր: Փողոցում ծանոթ-անծանոթ նրան տեսնելիս կանգ էին առնում, հրճվագին բարևում՝ երկար ժամանակ հետները տանելով այդ զգացումը: Մի քիչ՝ կենսագրություն:
 Ծնվել է Նիկոմեդիայում և Բոսֆորի ու Էգեյանի ջրերի ցոլքը պահել աչքերում: Օտար ափերում հայը պետք է լեզուներ գիտենար: Սովորեց նախ ֆրանսիական, ապա ամերիկյան քոլեջներում անգլերեն՝ մայրենիին հավատարմագրվելով Պոլսո հռչակավոր Էսայան հայեցի վարժարանում, ուր ուսանել են մեր երևելիները` Վարուժանից մինչև Փափազյան... Դեռևս պատանի՝ Հրաչյան հանդես էր գալիս Արշակ Պենկլյանի օպերետային խմբում:

Սկիզբը` թիվ 1

 Մշակույթը խորհրդանիշների բնագավառ է: Խորհրդանիշներն արտացոլում են մարդկանց աշխարհընկալումն ու աշխարհճանաչումը, վերաբերմունքը այլ մարդկանց հանդեպ: Տարբեր մշակույթներում հատուկ նշանակություն ուներ զինվորի արիությունը, ուժը, ոգին մարմնավորող որոշակի առարկան: Այդ առարկան սուրն էր: Իր տարբեր մարմնավորումներում սուրը կարող էր լինել միաժամանակ և զենք, և խորհրդանիշ:
 Նախորդ հոդվածում մենք խոսեցինք Սասնա ծռերի Թուր Կեծակիի մասին և այն մասին, թե ինչու էին այն անվանում «թուր», թեև իրականում «սուր» էր: Իսկ այժմ խոսենք բուն սրի և այն մասին, թե ինչ տեղ էր գրավում այն` մարդկության և հատկապես եվրոպական ու հայկական մշակույթներում:
 Հենց սրի հետ է կապված ռազմական խավի բարոյականության` էթիկայի ու պատվի հասկացությունը: Միայն իր արիությունն ապացուցած, վեհ նպատակով արյուն թափած մարդն էր արժանի սրին: Ամենևին էլ պատահական չէ, որ ասպետի կոչում ստանալու համար, այսինքն անցումը «նվազագույնից» «բարձրագույնին», պահանջում էր իրական վերքի (և միայն շատ ավելի ուշ ժամանակներում` խորհրդանշանային հարվածի) ստացում: Ազնիվ վերք` սրի հարվածից վերք ստացողն էր համարվում սոցիալապես հավասար:

 Նոր ստեղծվող դեղամիջոցների բացարձակ մեծամասնությունը բուժիչ հատկություններ չունի: Այդ են վկայում ամերիկյան FDA-ի (սննդամթերքի ու դեղորայքի որակի հսկողության վարչություն) հետազոտությունների տվյալները: 1981-1988 թթ. ԱՄՆ դեղագործական 25 խոշորագույն ընկերություններում ստեղծված և շուկա հանված 348 նոր դեղամիջոցների մասին FDA-ը հայտարարել է հետևյալը` 3 տոկոսը (ընդամենը 12 անուն դեղ) կարևոր ներդրում է ունեցել ժամանակակից դեղագործության մեջ, 13%-ը` համեստ ներդրում, մնացած 84 տոկոսը շատ փոքր կամ առհասարակ՝ ոչ մի ներդրում չի ունեցել:

 Եթե այդ զզվելի պզուկներն անընդհատ փչացնում են ձեր տրամադրությունը՝ խուճապի մեջ մի ընկեք: Այսօրվանից սկսեք ավելի լրջորեն վերաբերվել ձեր սննդին: Վերանայելով սննդակարգը` շուտով կնկատեք, որ պզուկները նահանջում են: Իսկ կօգնեն ներքոբերյալ հինգ մթերքները:
Մշակելով օրգանիզմի առողջացման հատուկ ծրագիր` սննդաբանները ներառել են 5 մթերքներ, որոնք առողջացնում են մաշկը և մեկընդմիշտ ազատում պզուկներից:
1. Մաքուր ջուր: Մաշկը երիտասարդ ու առողջ պահելու համար պարզապես բավականաչափ ջուր խմեք: Եվ երբեք՝ գազավորված ջուր: Օրական առնվազն 8 բաժակ մաքուր ջուր՝ առանց ապուրների և ըմպելիքների: Ջուրը պզուկների կանխարգելման լավագույն զենքն է: Բացի դրանից՝ ջրի շնորհիվ թարմանում և վերականգնվում են մաշկի բջիջները:

 Վերջին հետազոտությունների համաձայն` հորանջելու պատճառները հոգնածությունը, ձանձրույթը կամ թթվածնի պակասը չեն: Հորանջելն օգնում է կարգավորել գլխուղեղի ջերմաստիճանը: Ըստ վարկածներից մեկի` հորանջելու բնազդի առաջացման պատճառն արյան մեջ թթվածնի մակարդակի նվազումն է: Բայց հետազոտություններն ապացուցել են, որ թթվածնի մակարդակի կամ ածխաթթու գազի քանակի փոփոխությունները չեն հորանջելու պատճառները: Հորանջելիս ճկվում են հայմորիտային խոռոչի պատերը, ինչը հանգեցնում է ջերմաստիճանի հանդեպ զգայուն գլխուղեղի սառեցմանը:

 Ըստ բժիշկների՝ ժամանակակից երեխաները հրաժարվում են սովորական ջուր խմելուց, մինչդեռ այն աշխարհի ամենաօգտակար ըմպելիքն է: Եվ երբ մեծանան՝ նրանք դարձյալ ջուր խմելու ձևավորված սովորություն չեն ունենա: Մեղավոր են մեծամասամբ ծնողները, ովքեր վաղ մանկությունից նրանց առաջարկում են զանազան հյութեր, կակաո ու շատ այլ քաղցրահամ ըմպելիքներ, որոնք փոխարինում են մարդու օրգանիզմի համար այդքան կենսական ու բնական հեղուկին` սովորական ջրին:

 Ամերիկացի հետազոտողը կեղծել է կարմիր գինու՝ ռեսվերատրոլ կոչվող բաղադրիչի օգտակար հատկությունների մասին տվյալները, հայտնում է Medical ews Today-ը:
 Խոսքը վիրաբուժության ֆակուլտետի պրոֆեսոր, Քոնեքտիկուտի համալսարանի սրտանոթային հետազոտությունների կենտրոնի տնօրեն Դիփակ Դասի հրապարակումների մասին է: Յոթ տարի շարունակ նա գիտական ամսագրերում հրապարակում էր զեկույցներ՝ կարմիր գինում պարունակվող նյութի հետազոտությունների մասին, որն իբր կարող է երկարացնել մարդկանց կյանքի տևողությունը:

 Հայաստանի ֆուտբոլի հավաքականի դարպասապահ Ռոման ԲԵՐԵԶՈՎՍԿԻՆ երկրի լավագույն ֆուտբոլիստների եռյակ է մտել` դառնալով 2011 թ. «Բրոնզե խաղակոշիկի» մրցանակակիր: Հայերը նրան ընդունում են որպես յուրայինի, նրան սիրում են նույնիսկ նրանք, ովքեր իրենց չեն համարում ֆուտբոլի նվիրյալ երկրպագու: Բերեզովսկին ծնվել ու մեծացել է Երևանում, Հայաստանը համարում է իր հայրենիքը:
Արդեն վեցերորդ տարին է՝ Ռոմանը ելույթ է ունենում մոսկովյան «Խիմկի» ակումբի համար, բայց 1996 թ. մինչև հիմա շարունակում է մնալ մեր ազգային հավաքականի անփոխարինելի դարպասապահը:
 - Ռոման, երկար տարիներ է` դուք մեր ֆուտբոլասերների ուշադրության կենտրոնում եք` հիացնելով ձեր վարպետ խաղով: Ծանր չէ՞ փառքի բեռը:

На этой неделе  свой семидесятилетний юбилей отметил величайший боксер двадцатого века - Мохаммед Али, урожденный Кассиус Марцеллус Клей
 Легендарный спортсмен родился 17 января 1942 года в Луисвилле, США.
 Первый профессиональный бой провел 29 октября 1961 года, последний - 11 декабря 1981 года. За свою карьеру провел 61 бой, победив в 56 из них. 37 побед были одержаны нокаутом. В 1967 году был  лишен титулов и на три года отлучен от бокса за отказ служить в армии США, ведшую войну во Вьетнаме.  «Я не поеду за 10 тысяч миль убивать и сжигать людей просто для того, чтобы помочь белым рабовладельцам»,- сказал он тогда.

 Հայ հեռուստադիտողը դերասանուհի Նանկա Կալատոզիշվիլուն գիտի «Արմենիա» հեռուստաալիքով հեռարձակված «Միմինո շոուից»: Նախագծի նկարահանումների ավարտից հետո Նանկան վերադարձավ Վրաստան, իսկ անցած աշնանը կրկին այցելեց Հայաստան՝ Շեքսպիրյան միջազգային 9-րդ փառատոնին մասնակցելու համար: Նա գլխավոր դերն էր խաղում Թբիլիսիի երաժշտության ու դրամայի թատրոնի «Մակբեթ» բեմադրությունում:
 - Նանկա, կան Մարկ Զախարովի նման ռեժիսորներ, ովքեր չեն սիրում գեղեցիկ դերասանուհիներին: Ձեր կարծիքով նրանց համար թատրոնում աշխատելը հե՞շտ է, թե դժվար:
 - Այդ մասին պետք է գեղեցիկ դերասանուհիներին հարցնեք:
 - Այսինքն դուք ձեզ այդպիսին չե՞ք համարում:
 - Այլ կերպ պատասխանելն անհամեստություն կլիներ: Անկեղծորեն ասած` ես այդ մասին չեմ մտածել: Իրականում ամեն ինչ ռեժիսորն է որոշում: Լավ կլիներ, եթե նրանք այդքան մեծ նշանակություն չտային արտաքին կողմին: Այդ առումով իմ բախտը շատ է բերել՝ ռեժիսոր Դավիդ Դոիաշվիլին հստակ գիտի, թե ում համար ինչ դեր պետք է ընտրի, ու ինձ հաճախ են հետաքրքիր դերեր բաժին ընկնում:

 Բացի նրանից, որ Լինդա Մաքարտնին անվանի «բիթլ» Փոլի հավատարիմ կինն էր, նրա երեխաների մայրը, հայտնի բուսակեր և կենդանիների պաշտպան, նաև համաշխարհային ճանաչում ունեցող լուսանկարչուհի էր: Նա ցուցահանդեսներ է բացել աշխարհի 50 պատկերասրահներում, որոնց թվում են` Լոնդոնի Վիկտորիայի և Ալբերտի թանգարանը, Ազգային դիմանկարային պատկերասրահը, Նյու Յորքի Բոնի Բենրուբիի պատկերասրահը և այնտեղի լուսանկարչական միջազգային կենտրոնը (ICP):